1.1 "Hackum Students" клубийн бүтэц бүрэлдэхүүн, өмч хөрөнгө, эрх үүргийн тогтолцоог зохицуулах болон бусад бүхий л үйл ажиллагааг гүйцэтгэхдээ клубийн дотоод журмыг мөрдөнө.

1.2 "Hackum Students" клуб нь Монгол Улсын Их Сургуулийн /цаашид МУИС гэх/ оюутны сайн дурын клуб мөн.

1.3 Клуб өөрийн тэмдэг, уриа, хэвлэмэл хуудастай байна. Клубийн үйл ажиллагаа ил тод, нээлттэй байна.

1.4 Эрхэм зорилго: “Бид өөрсдийн мэдлэг чадвараа ашиглан хүмүүсийн амьдрал, мэдээллийн хүртээмжийг нэмэгдүүлж, нийгмийн сайн сайханд хувь нэмрээ оруулах шинэ шилдэг санаачлагийг гарган хэрэгжүүлдэг клуб юм. Бид өөрчлөлтийг хүлээдэг биш өөрсдөө манлайлж хийдэг хамт олон болж мэдээллийн ил, тод хүртээмжтэй байдлыг өндөр түвшинд хүргэхийг эрмэлзэнэ.”

1.5 Клубийн үндсэн үйл ажиллагааны хүрээ

1.5.1 Гишүүдийн хувь хүний хөгжил, мэргэжлийн боловсролыг дээшлүүлэх, дадлагажуулах үйл ажиллагаа явуулах

1.5.2 МУИС-с зохион байгуулж буй үйл ажиллагааг дэмжин оролцох

1.5.3 Гишүүдийг идэвхжүүлэх арга хэмжээ зохион байгуулах

1.5.4 Бусад байгууллагуудтай хамтын ажиллагааг хөгжүүлэх

1.6 Клуб нь Монгол улсын холбогдох хууль тогтоомж, МУИС-н журамд нийцүүлэн үйл ажиллагаа явуулна.

1.7 Энэхүү дүрмээр зохицуулагдахгүй асуудал гарах тохиолдолд удирдах зөвлөлийн гишүүд хэлэлцэж тохирон, шийдвэрийг гаргана.

1.8 Журмын нэр томьёо:

1.8.1 Олон нийтийн үйл ажиллагаа - "Hackum Students" клубийн хүрээнээс гаднах буюу олон нийтийг хамарсан бүхий л төрлийн үйл ажиллагааг

1.8.2 Дотоод үйл ажиллагаа - Зөвхөн "Hackum Students" клубийн гишүүдэд нээлттэй үйл ажиллагааг тус тус нэрлэнэ

1.9 Клубийн өмч нь клубийн төрөл бүрийн байнгын болон байнгын бус үйл ажиллагаанд ашиглагдах зорилгоор авсан, цуглуулсан, бүтээсэн эд хөрөнгө юм. Үүнд: тамга, туг, лого, клубийн бичиг баримт, контент, програм гэх мэт орно.